მიწოდება და მონტაჟი
1. ზოგადი დებულებები
კომპანია შპს „სქაინეთ დისტრიბიუშენ“ უზრუნველყოფს ელექტრო ტექნიკისა და უსაფრთხოების სისტემების პროდუქციის მიწოდებასა და მონტაჟს მთელი საქართველოს მასშტაბით, წინასწარი შეთანხმების საფუძველზე.
2. მიწოდების ვადები
პროდუქციის მიწოდების სავარაუდო ვადებია:
თბილისი – შეკვეთის გაფორმებიდან მომდევნო სამუშაო დღე.
რეგიონები – შეკვეთის გაფორმებიდან 3–5 სამუშაო დღე, ლოკაციის მიხედვით.
მიწოდების ზუსტი თარიღი და დრო მომხმარებელს ეცნობება წინასწარ სატელეფონო ან ელექტრონული კომუნიკაციის საშუალებით.
3. მიწოდების პირობები
3.1 პროდუქცია მიეწოდება მომხმარებლის მიერ შეკვეთის დროს მითითებულ მისამართზე.
3.2 მიწოდებისას მომხმარებელი ვალდებულია:
-
უზრუნველყოს პროდუქციის მიღება
-
მოახდინოს პროდუქციის ვიზუალური დათვალიერება კომპანიის წარმომადგენლის თანდასწრებით
3.3 მომხმარებლის ხელმოწერა მიღება-ჩაბარების დოკუმენტზე ადასტურებს, რომ პროდუქცია ვიზუალურად არ არის დაზიანებული.
3.4 მომხმარებლის მიერ არასწორი მისამართის მითითების ან მიწოდების დროს ადგილზე არყოფნის შემთხვევაში, განმეორებითი მიწოდება შესაძლებელია დამატებითი საფასურის გადახდის საფუძველზე.
4. სართულზე ატანა
პროდუქციის სართულზე ატანა ხორციელდება იმ შემთხვევაში, თუ ადგილზე უზრუნველყოფილია შესაბამისი პირობები, მათ შორის:
-
მოქმედი ლიფტი
-
მოწყობილობის გაბარიტებისა და წონის შესაბამისი სივრცე
განსაკუთრებული გაბარიტის ან მძიმე მოწყობილობების შემთხვევაში სართულზე ატანის პირობები შეთანხმდება ინდივიდუალურად წინასწარ.
5. მონტაჟი და სისტემების ინტეგრაცია
უსაფრთხოების სისტემებისა და ტექნიკური მოწყობილობების მონტაჟი და ინტეგრაცია ხორციელდება წინასწარი ტექნიკური შეფასებისა და მომხმარებელთან შეთანხმების საფუძველზე.
სტანდარტული მცირე ზომის უსაფრთხოების სისტემის პროექტის მონტაჟის სავარაუდო ვადა შეადგენს 10–15 სამუშაო დღეს შეკვეთიდან.
მონტაჟის ზუსტი ვადა და სამუშაოს მოცულობა განისაზღვრება:
-
ობიექტის დათვალიერების შემდეგ
-
ტექნიკური გუნდის შეფასების საფუძველზე
-
მხარეთა შეთანხმებით
თუ ხელშეკრულებით სხვა რამ არ არის განსაზღვრული, მონტაჟის მომსახურება ფასიანია.
6. პასუხისმგებლობა და ვადების გადაცილება
თუ კომპანია ვერ უზრუნველყოფს პროდუქციის მიწოდებას შეთანხმებულ ვადაში, მომხმარებელი უფლებამოსილია კომპანიას განუსაზღვროს დამატებითი გონივრული ვადა ვალდებულების შესასრულებლად.
აღნიშნული ვადის უშედეგოდ გასვლის შემთხვევაში მომხმარებელს უფლება აქვს უარი თქვას ხელშეკრულებაზე.